Shteti amerikan kalon projektligjin që ndalon përdorimin e maskave

21:21 | 24 Shkurt 2021
V. S.

Dhoma e Përfaqësuesve të Dakotës Veriore ka miratuar projektligjin që parandalon rregullat që kërkojnë mbajtjen e maskës së fytyrës.

Përfaqësuesit votuan 50-44 për projektligjin të hënën, për të ndaluar shtetin dhe qeveritë lokale, shkollat dhe bizneset që të urdhërojnë përdorimin e maskave në mes të pandemisë së koronavirusit.

Projektligji do të shkojë në Senat. Republikani Jeff Hoverson, ai që e bëri projektligjin, obligimin për të mbajtur maskë e ka cilësuar si “marrëzi djallëzore”.

“Maska është pjesë e një aparati të madh të një lëvizje burokrate të të pasurve, të cilët po marrin liritë tona dhe po përjetësojnë gënjeshtrat”, tha Hoverson.

Shpërndaje në rrjete sociale

Lajmet më të lexuara

Të ngjashme

Foto lajm